讀者投稿《蠻不講理奶奶篇》第一集
結婚前已經一齊住左一段短時間, 有一晚極品99襯老公(當時係男朋友)出左去, 我一行出房, 就捉住我問，諗住幾時生BB。當時情況係400尺, 住緊我同老公, 6299加姑仔, 仲要62成日係屋企食煙, 我心諗, 咁既環境, 根本唔適合生小朋友。咁既然佢問到, 我都有禮貌咁答, 冇諗咁多呀, 可能2-3年之後, 等做野穩定左先。
點知…..就出事…….. 足足鬧左我2個幾鐘, 不停loop住咁話我冇家教, 自私, 淨係諗自己, 又話佢嫁左之後就咩都諗屋企人先, 幫你地 安排好晒, 點解你要咁自私…….一聽到冇家教呢句, 我真係著晒火, 如果我係冇家教, 我會坐係度聽你發癲, 我一早 X到你上天台啦! 從此之後, 我就唔會再自己一個係屋企, 一定等埋老公先返去, 一係就等佢地訓左先返去, 費事又冇啦啦俾人鬧2個鐘。
退一步海闊天高。
Search